Сообраќајот на државните патишта се одвива непречено, по претежно суви коловози, но во утринските часови е забележана намалена видливост поради магла на одредени патни правци.
Според информациите од „Македонија пат“, намалена видливост од 50 до 100 метри има на патните правци Неготино – Градско и Неготино – Демир Капија.
На патните правци кои минуваат низ клисури и усеци, можни се поситни одрони, поради што се апелира на зголемена внимателност.
Од „Македонија пат“ упатуваат апел до возачите:
„Македонија пат“ апелира на внимателно управување со возилата, почитување на поставената сообраќајна сигнализација и прилагодување на брзината спрема условите на патот.
Што се однесува до граничните премини, според утринската информација на Авто мото сојузот на Македонија (АМСМ), засега нема подолги задржувања за влез и излез од државата на македонска страна.