Претседателот на Владата, Христијан Мицкоски, најави дека за многу кратко ќе биде позната цената на струјата што ЕСМ ќе ја понуди на тендер за потребите на домаќинствата.
Иако не откри дали ќе се задржи досегашната цена од 62 евра за мегават час, премиерот потврди дека новата цена е веќе доставена до Владата и ќе биде дел од предлогот што тој ќе го достави на затворена седница.
Мицкоски истакна една значајна промена во политиката на набавка:
„Оваа година, бидејќи ќе биде годишен тендерот, нема да биде полугодишен како и досега, цената која што ќе ја понуди на тендерот ЕСМ, а ќе биде мој предлог на Влада, ќе се знае за многу кратко.“
Досега, ЕСМ ја продаваше електричната енергија за домаќинствата по цена од 62 евра за мегават час.