Русија изрази подготвеност следниот месец да ги продолжи преговорите со Киев и Вашингтон за завршување на војната во Украина. Ова го изјави советникот на Кремљ за надворешна политика, Јуриј Ушаков, пренесувајќи ги ставовите на рускиот претседател Владимир Путин по средбата со американскиот специјален пратеник Стив Виткоф.
– Нов круг трилатерални преговори во кои би учествувале Русија, САД и Украина би можеле да се одржат во Абу Даби во ноември – истакна Ушаков, додавајќи дека новиот круг преговори треба да се фокусира на „изградба на безбедносен систем за Русија и Украина по завршување на конфликтот“.
Според Ушаков, на средбата американскиот пратеник Виткоф го информирал Путин за разговорите во Осло што претходно ги имал со украинскиот претседател Володимир Зеленски, премиерот на Норвешка и претседателот на Финска. Виткоф укажал на некои нови пристапи и елементи во ставовите на европските партнери и на Киев, иако тие, според руската страна, не содржеле многу што било корисно за решавање на украинската криза.
За време на речиси тричасовната средба, Путин и Виткоф разговарале и за спроведувањето на договорот што рускиот и американскиот претседател, Доналд Трамп, го постигнаа на 9 октомври за снабдување на американските и светските пазари со руско дизел гориво, како и за актуелната криза во Иран.
– Владимир Путин нагласи дека дипломатските опции сè уште не се речиси исцрпени и дека е можно и неопходно да се постигне договор со Техеран, кој е наш стратешки партнер – истакна Ушаков, додавајќи дека Москва ја потврдила подготвеноста да продолжи да помага во наоѓањето политички и дипломатски решенија за иранското прашање.