Настапот на познатиот српски турбо-фолк пејач Аца Лукас синоќа во Кавадарци бил ненадејно прекинат околу полноќ, откако полицијата влегла во локалот и го привела пејачот.
Според сведоштвата на присутните, објавени од повеќе веб-портали, атмосферата била одлична сè до моментот кога Лукас прекинал среде песна.
„Не сфативме веднаш што се случува, потоа видовме дека дојдоа полициски службеници“, раскажале гости за „Викимедиа“.
Публиката околу половина час чекала пејачот да се врати на сцената, но од организаторите било соопштено дека Лукас е однесен во полициска станица.
На социјалните мрежи веќе кружат видеа на кои се гледа како пејачот го напушта локалот во придружба на полицијата, притоа негодувајќи и расправајќи се со службениците.
Се очекуваат официјални информации од надлежните институции за причините за полициската интервенција. Аца Лукас, инаку, најави голем концерт во Скопје, во Арена „Јане Сандански“, закажан за 20 декември.