СВР Тетово поднесе кривична пријава против И.Р.(67) од село Ларце, тетовско, поради постоење основи на сомнение за сторено кривично дело „избегнување на плаќање акциза’’.
Како што се наведува во полицискиот билтен, на 21.08.2025 на улица „Маршал Тито“ во Тетово, полициски службеници запреле патничко возило „фолксваген голф“, управувано од пријавениот, при што се пронајдени и одземени 562 кутии цигари со странски бандероли, 17 кутии и седум кеси со тутун, 22 машинки за правење цигари, 10 сим картички, 19 табакери и 18 кутии филтри за цигари, за кои не приложил соодветна документација за платени акцизни давачки и документација за потекло за стоката.