Премиерот Мицкоски вели дека воопшто не ги слушнал условите кои Села ги поставил за да стане дел од владејачкото мнозинство. Тој вчера во гостување на Топ Тема на ТВ Телма рече дека тој во принцип не функционира врз ултиматиуми и условувања.
„Во принцип не, не работам под ултиматуми или условувања. Никогаш во животот не работам и тоа е погрешен пристап да се комуницира со мене. Мислам, ако некој мисли дека со ултиматуми или услови ќе ме омекне или привлече, мислам дека тоа е најпогрешниот пат кој го одбрал.“ – реле Мицкоски.
Зијадин Села, лидерот на Алијанса за Албанците, во интервју за албанските медиуми рече дека нема да седне да разговара за влез во владината коалиција, доколку таа претходно не прифати уставни измени за откочување на евроинтегративниот процес, замена на терминот „20 проценти“ со „албански јазик“ и Уставниот суд да носи одлуки со Бадентер.