Утре, 22 октомври, со почеток во 11:00 часот, во Воената академија „Генерал Михаило Апостолски“ во касарната „Гоце Делчев“ во Скопје, ќе се одржи свеченост по повод давањето заклетва на 30-тата класа питомци.
На свеченоста е предвидено обраќање на министерот за одбрана Владо Мисајловски и на деканот на Воената академија, полковник Ненад Танески.
На настанот ќе присуствува и началникот на Генералштабот на Армијата, генерал-мајор Сашко Лафчиски.
Покрај него, на церемонијата ќе присуствуваат и генерали, претставници на воено-дипломатскиот кор, претставници од Министерството за одбрана и Армијата, како и роднини и пријатели на питомците.