Кина соопшти дека е пронајдено најголемото поединечно наоѓалиште на злато во земјата во повеќе од 70 години. Според Министерството за природни ресурси, рудникот за злато Дадонгоу во провинцијата Лиаонинг содржи 1.444,49 тони докажани резерви, пренесува агенцијата Анадолу.
Државниот весник „Глобал тајмс“ објави дека рудникот веќе ја поминал проценката за економска изводливост, што го отвора патот за негов развој и почеток на експлоатација. Наоѓалиштето е класифицирано како супер голем отворен рудник, а официјалните податоци укажуваат дека подрачјето над 720 метри надморска височина содржи околу 2,586 милијарди тони руда, со просечна содржина од 0,56 грама злато по тон.
Особено впечатливо е што истражувањето траело само 15 месеци. Според извештајот, овој забрзан и ефикасен метод би можел да стане модел за идни истражувања на минерали со „краток циклус и висок квалитет“.