Сидни Свини во ново интервју негираше дека направила каква било пластична операција.
Во разговор за Variety таа појасни дека никогаш не била „под нож“.
„Никогаш ништо не сум направила, не можам да поднесам игли, немам тетоважи. Апсолутно ништо. Планирам да стареам грациозно“, рече таа.
Се осврна и на споредбата на нејзиниот изглед со тоа како изгледала како девојче.
„Смешно е. Секако дека ќе изгледам поинаку, сега сум 15 години постара и носам шминка.“
Свини зборуваше и за притисоците со кои се соочила на почетокот на нејзината кариера.
„Некој ми рече дека морам да го поправам лицето за да успеам, дека морам да ставам ботокс. Имав 16 години“, откри таа.
Се осврна и на тоа како јавноста ја перцепира, велејќи дека луѓето често ја нарекуваат „секс симбол“.
„Играв многу контроверзни ликови. Мислам дека многу луѓе мислат дека ме познаваат, а сепак не ме познаваат. Кога луѓето ќе помислат: ‘О, таа е секс симбол’ или ‘Таа се наклонува кон тоа’, јас велам: ‘Не, само се чувствувам добро и силно’. Се надевам дека ќе можам да ги инспирирам другите жени да бидат самоуверени и едноставно да покажат што имаат и да се чувствуваат добро во себе затоа што не мора да се извинуваат или да се кријат никаде“, порача Свини.