Независниот кандидат за градоначалник на Гостивар, Висар Адеми и неговиот тим, денеска ги претставија петте главни ветувања.
– Чистење од корупција, транспарентна администрација, професионалците ќе ги заменат партиските вработувања и процесите ќе бидат дигитализирани за целосна отчетност, беше кажано на презентацијата на градскиот плоштад.
Тимот на Адеми најави дека веднаш ќе биде исчистен градот, дивите депонии ќе бидат отстранети, а инвестициите во модерно управување со отпадот ќе обезбедат чиста средина за граѓаните.
Адеми вети дека ќе се справи со проблемот со бездомните кучиња преку програми за стерилизација, поставување ултразвучни огради во населбите и реактивирање на центарот за третман на кучиња.
Кандидатот за градоначалник има план за заживување на економијата со фокус на младите локалните претпријатија и потенцијалот на дијаспората за претворање на Гостивар во центар за бизнис и иновации во Балканот.
– Враќање на моќта кај граѓаните е ветување кое ќе се оствари со објавување на одлуките и тие ќе се носат со локални референдуми и јавни консултации, беше кажано на презентацијата.
Висар Адеми и неговиот тим гарантираат целосна отчетност: секоја година граѓаните ќе ја оценуваат неговата работа преку отворен и транспарентен процес. Доколку не добие одобрување, тој ќе ја донира својата плата на семејства во потреба.