Со недистанцирање и неизвинување за Тричковски, Филипче се става на негова страна и на страна на говорот на омраза. Венко Филипче можеше да истапи и да покаже различен и конструктивен пристап. Но тој избра да остане во црнилото на СДС и да продолжи да јава на бранот на омразата која ја создава оваа партија преку нејзините перјаници како Бранко Тричковски – изјави на денешната прес конференција Викторија Андоновска од ВМРО-ДПМНЕ.
Таа додаде дека фактот што Бранко Тричковски отворено повикува на убиство и парчосување на претседателот Мицкоски, а добива публицитет од структури блиски до СДС, покажува дека партијата со тоа креира паралелен наратив на партискиот во вид на црна кампања.
-Венко Филипче со неосудување на Бранко Тричковски, само покажа дека не само што не е различен, туку е прототип на деструкцијата која ја пропагира СДС. Филипче на овие избори нема програма, нема проекти, нема што да зборува пред граѓаните, затоа неговите апологети шират говор на омраза, повикуваат на смрт и убиства. Народот тоа јасно го гледа и жестоко ќе го казни – изјави Андоновска.