Општина Ресен ќе додели еднократна парична помош за семејствата чии деца од оваа година ќе бидат првачиња во основните училишта на територијата на општината.
Јавниот повик за пријавување е отворен до 12 август, а секое семејство ќе добие финансиска поддршка во износ од 5.000 денари, информираат од локалната самоуправа.
Во Општина Ресен функционираат пет основни училишта, а досега во прво одделение се запишани повеќе од 100 ученици, потврдија за МИА од Секторот за односи со јавност.