Федералното истражно биро на САД (ФБИ) соопшти дека уапсило 35-годишна жена осомничена за планирање бомбашки напад врз владата на државата Њујорк и седиштето на законодавното тело во Олбани, каде што се наоѓа канцеларијата на гувернерката Кети Хочул.
Според тужбата што ФБИ ја поднело до федералниот суд, Џесика Боуви во онлајн комуникации се заколнала на верност кон терористичката организација Исламска држава (ИД) и во јули започнала да го планира нападот.
Во документите се наведува дека Боуви се преобратила во ислам пред околу пет години. Таа, исто така, во комуникација со неидентификувани лица изразила поддршка за ИД, стои во тужбата.