Дескоска: Ако не се продолжи вонредната – избори на 21 јуни, друга правна можност нема

Непосредно пред одлуката дали ќе се продолжи или не вонредната состојба во земјава, во услови кога не очекуваат избори, министерката за правда, Рената Дескоска е децидна дека ако не се продолжи вонредната состојба изборите треба да се одржат на 21 јуни, односно 22 дена по истекот на вонредната состојба.

-Ако не се продолжи вонредната состојба, изборите се на 21 јуни. Тоа го предвидува и Уставот и уредбата. Нема друга правна можност, вели Дескоска во изјава за „Фокус“.