Во Кичево едно лице не го почитувал полицискиот час, шестмина се во самоизолација
Во текот на изминатото деноноќие, за време на спроведувањето на мерките за ограничено движење и заштита на граѓаните од ширење на коронавирус, според статистичките податоци на МВР, на подрачјето на СВР Охрид, едно лице од Кичево не ја почитувало забраната за движење.
-Тој е приведен и против него ќе биде поднесена кривична пријава по членот 206 од Кривичниот законик „непостапување според здравствените прописи за време на епидемија“, информира портпаролот Стефан Димоски.
Во истиот период, не се евидентирани нарушувања на јавниот ред и мир, кражби и сообраќајни незгоди.
Вкупниот број на лицата во самоизолација, во моментов изнесува 116 лица од кои шест во Кичево. Полициските службеници извршија 23 контроли на угостителски и други објекти , додаде Димоски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
