Трагедија во Пехчево: Маж се повредил додека работел во шума, па починал

Шумар починал откако се здобил со повреда додека работел во шума во Пехчево, информира МВР.

-Вчера во 10:50 часот било пријавено дека во Пехчево, 65-годишниот С.В. од Пехчево вработен во фирма, бил повреден при работа во шума, на место викано „Равно борје“, по што починал на местото на настанот. Извршен бил увид од увидна екипа од Полициската станица Берово и службени лица од Државниот инспекторат за труд –Берово - соопшти полицијата.