Градежен работник со тешки повреди донесен на Клиника

Скопјанец се здобил со тешки телесни повреди на работно место, информира МВР.

- Вчера во 15:00 часот во СВР Скопје било пријавено дека во Комплекс клиники „Мајка Тереза“ со тешки телесни повреди бил донесен 50-годишниот З.П. од село Јурумлери, скопско, вработен во градежна фирма од Скопје, кој според пријавеното се повредил околу 13:00 часот додека извршувал работни задачи на објект во градба на ул.„Радишанска“ во Скопје. Увид на местото на настанот извршила екипа од СВР Скопје, а за настанот бил известен и трудов инспектор - соопшти полицијата.