Цаноски: Се надеваат дека ќе се врати „Сваровски судството“ за да се спасат за „Космос“
Предолго се одложуваат рочиштата за случајот „ТНТ“. Од околу 25 рочишта во последните две години, десетина беа одложени, веројатно се надеваат дека ВМРО ќе добие и ќе се спасат преку „Сваровски судството“.
Ова денеска го изјави Фијат Цаноски, сопственик на урнатиот комплекс Космос, за емисијата „Утрински брифинг“ на „Слободен печат“.
- Се служат со сите механизми за да го одложат овој случај. Се надеваат дека ВМРО-ДПМНЕ ќе добие на следните избори и ќе профункционира „Сваровски судството“ и дека ќе се спасат од делата што ги направиле минатите години. Но јас сум оптимист и верувам дека правдата ќе дојде без разлика дали ќе се заврши или ќе се повтори протестот- изјави Цаноски.
Инаку, Трајковски кој завчера бил претепан денеска пак не се појави на судењето.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
