Тетовската полиција најде „бмв“ на печалбар кое било пријавено за украдено
Патничко возило марка „бмв“ кое вчера било пријавено за украдено во Тетово денеска било најдено од полициските службеници, инфомира СВР Тетово.
Возилото имало германски таблици и е во сопственост на печалбар. За украдено, возилото го пријавил негов роднина кој го возел, а му го украле со клучевите оставени во автомобилот.
-Денеска околу 13 часот, на локалниот пат Стримница-Челопек полицајците го нашле патничкото возило „бмв“ со германски регистарски таблици. Инаку, вчеравечер околу 23:40 часот било пријавено дека е одземено на улица „Штипска“ во Тетово, од страна на 45-годишниот тетовец Р.В, информира Марјан Јосифовски портпарол на СВР Тетово.
Извршен е увид, по што возилото ќе му биде вратено на сопственикот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
