Несреќа на патот Демир Капија-Неготино: Се преврте камион полн со мигранти - 4 лица тешко повредени
Тројца мигранти и возач на камион се здобиле со тешки телесни повреди при сообраќајна несреќа на патниот правец Демир Капија-Неготивно, информира МВР. Имено, вчера во околу 17:00 часот на патниот правец Демир Капија – Неготино, кај место викано „Прждевски споменик“, полициски службеници дале знак за запирање на товарно возило „Мерцедес“ со скопски регистарски ознаки, во кое имало 34 мигранти од Авганистан.
Возилото не застанало и продолжило со движење, по што изгубило контрола и се превртело.
Во незгодата со тешки телесни повреди се здобил возачот Д.И.(24) од село Сопот, велешко и тројца мигранти, додека останатите мигранти се здобиле со телесни повреди. На сите повредени им била укажана помош во околните болници. Увид извршиле Јавен обвинител и екипа од Полициската станица Неготино.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
