Заев: Владата останува посветена на поддршката на големите проекти на општините од интерес на граѓанит

Претседателот на Владата на Македонија Зоран Заев денеска ја посети Општина Кочани и оствари куса средба со градоначалникот Николчо Илијев, со претседавачот на Советот на општината Томе Солевски, и со Александар Киров, директор на Јавното претпријатие за водостопанство.

Низ разговорот на средбата премиерот Заев и соговорниците од Општина Кочани констатираа дека општината на најдобар начин ја искористи финансиската поддршка на Владата на РСМ за покривање на долговите што ги остави во наследство претходната локална самоуправа. Заеднички беше потенцирано дека тоа овозможи буџетот на општината да биде насочен за реализација на проектите за кои граѓаните на локалните избори укажаа дека се од посебен интерес.

Средбата се оствари непосредно по отворањето на пречистителната станица во Општина Кочани што беше поттик за разговор за идните капитални проекти од значење за општината и за граѓаните, и за учеството на централната власт и меѓународните фондови во поддршката за реализација на овие проекти.