Есад Рахиќ нов директор на затворот Шутка

На денешната владина седница Есад Рахиќ е назначен за директор на истражниот затвор во Шутка.

Рахиќ доаѓа на местото на поранешниот директор, Ѓоко Котевски, кој си поднесе оставка во февруари, по инцидентот со обвинетите Спиро Ристовски и Миле Јанакиески.

Оставката на Котевски му беше констатирана веднаш, но за именување на новиот директор се чекаше да завршат претседателските изброри.

За потсетување, Рахиќ беше пратеник на СДСМ од 2002 до 2006 година кога беше исклучен од партијата и во вториот пратенички мандат делуваше како независен.