Ова е условот на БЕСА – ако не се прифати нема да гласаат за уставни измени

Одложувањето на пленарната седница за уставните измени е поради условите кои бара Беса да бидат исполнети. Како што информира ТВ21 на Заев му недостасува уште еден глас за 2/3 мнозинство.

ТВ21 објави дека нивниот предлог амандман е „За граѓаните од Албанската етничка припадност, во прописите и другите акти на државните органи државјанството на македонски јазик да гласи „македонско/граѓани на Република Северна Македонија”, на албански јазик ќе гласи „eMaqedonisë/qytetar i Republikës së Maqedonisë Veriore” и на англиски „macedonian/citizen of Republic od North Macedonia”.

Од Беса за ТВ21 велат дека доколку Заев не ги исполни нивните барања тие нема да дадат зелено светло на уставните промени.