Се врти оро, се пие и пее - и покрај апелите се вивнаа бадникарски огнови во Скопје

Вечерва почнуваат бадникарските и божикните прослави, а и покрај апелите на надлежните граѓаните да не придонесуваат за загадувањето, скопјани традиционално на голем број места запалија бадникарски огнови.

-Пред три недели Скопје беше загадено. Сега веќе нема ПМ честички. Од нашиот оган нема да се загади Скопје, така што ова е капка во морето. Традицијата мора да продолжи, трае веќе 35 години и ќе продолжи понатаму, до 100 години ќе тераме, вели Панчевски претседателот на Одборот на маџирмаалските средби за 1ТВ.