Полицијата бара жителите да не излегуваат од дома: Пукање во Стразбур, тројца повредени - напаѓачот на слобода
Француското Министерство за внатрешни работи ги предупреди жителите на градот Стразбур да останат во затворен простор откако полицијата соопшти дека дошло до инцидент со пукање.
„Во Стразбур се случи сериозен инцидент по јавната безбедност”, објави Министерството на Твитер. „Од жителите се бара да останат во своите домови. Повеќе информации следат, почитувајте ги инструкциите од властите”, порача француското МВР.
#Breaking #France #Strasbourg
Confused reports from #Strasbourg. Some journalists say there have been a terrorist attack. pic.twitter.com/iffazPivVL— MrRevinsky (@Kyruer) December 11, 2018
Центарот на Стразбур е целосно блокиран од полиција, откако засега непознат маж отвори оган на божиќен пазар, при што најмалку едно лице е убиено, а три се повредени. Според локалните медиуми, во инцидентот има најмалку пет жртви.
Градоначалникот на Стразбур Ролан Рис изјави дека во тек е „сериозен инцидент“, дополнувајќи дека „мислите му се со жртвите“.
„Франс инфо“ објави дека лидето отворило оган кон насобраните луѓе од автоматско оружје во секторот Гранд Руе.
Пукотницата предизвика паника меѓу присутните, а тешко вооружена полиција дојде веднаш на местото на инцидентот. Божикните штандови, како и блиските кафулиња се евакуирани.
Локалните медиуми известуваат дека биле испукани десетина куршуми, но и дека напаѓачот сè уште е на слобода.
#BREAKING Reports of a shooting incident in Strasbourg Christmas market - 2 injured pic.twitter.com/TJxJ3hG9Fr
— Amichai Stein (@AmichaiStein1) December 11, 2018
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа