Со песната „Зајди, зајди“ студентите во Англија се простија од Горан Стефановски

„Во преполната сала исполнета да последното ќоше, седечки и простум, немаше игла каде да се фрли. Со грло во стомакот, срцето, солзи во очите и со љубов и почит за Горан. Сите, до еден. Неговите студенти започнаа петиција една од зградите на Универзитетот во Кент каде што беше професор ѕвезда, да го носи неговото име. Горан не дочека со „Зајди, зајди“. Не испрати со Strawberries field forever. Се простивме со Горан . Со националното богатство не може никој да се збогува! А, Горан е повеќе од тоа!“, напиша новинарката Маја Петрушевска, која живее во Лондон.

Неговите пријатели, колеги, студенти и семјеството, се простија од великанот.

Студенти од Универзитетот во Кент, Велика Британија, каде предаваше македонски драматург Горан Стефановски, побараа една од зградите на универзитетот да го носи името на нивниот професор.

-Горан беше неверојатен човек и неверојатен предавач, па дали има подобар начин да му оддадеме чест, од тоа што ќе ја именуваме новата зграда по него“, стои во онлајн петицијата насловена „Именувајте ја новата зградата на Универзитетот во Кент по Горан Стефановски“ (Name the new CCCU building after Goran Stefanovski).