Вооружена пресметка: Еден полицаец убиен уште еден тешко повреден - крадци во Сараево фатени на дело
Во вооружена престрелка ноќеска во Сараево во населбата Алипашино поле, убиен e еден полицаец додека друг се бори за живот и е во критична состојба, потврдија од министерството за внатрешни работи на БиХ.
Како што јавуваат босанските медиуми, полицајците биле очевидци на кражба на автомобил во тоа подрачје со хрватски национални ознаки. Крадците откако биле фатени на дело отвориле оган кон полицајците од автоматска пушка, најверојатно „калашников“, по што имало кратка престрелка. Потоа крадците побегнале во непознат правец.
Како што јави Аваз.ба, едниот полицаец починал на лице место, а рано утрово другиот бил опериран, а неговата состојба се уште е критична. Според порталот, тие во моментот кога биле фатени се обидувале да украдат автомобил „Голф“ 6.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
