Излетал од патот – страотна несреќа во Сарај

Вчера синоќа во околу 19:15 часот на улица „20“ во Сарај мотоцикл „Сузуки“ без регистарски ознаки, управуван од 18-годишниот Х.И. од Скопје изгубил контрола и се излизгал по коловозот. Притоа, со тешки телесни повреди се здобил мотоциклистот, кој со друго возило бил пренесен во Градската општа болница „8-ми Септември“, но поради карактерот на повредите со возило на Итна медицинска помош бил пренесен во Комплексот клиники „Мајка Тереза“. Увид на местото на настанот извршила екипа од СВР Скопје.