Временска прогноза за наредните денови - од понеделник промена на времето
Времето во Македонија денеска ќе биде сончево со мала до умерена облачност и со слаб до умерен ветер претежно од источен правец. Попладне во северозападните планински предели ќе има услови за изолирана појава на краткотраен пороен дожд и грмежи.
Утринската температура ќе се движи од 12 до 19, а дневната од 29 до 37 степени. УВ-индексот ќе изнесува 8.
Во Скопје слично време, сончево со мала до умерена облачност. Утринската температура ќе се спушти до 16, а дневната ќе се искачи до 34 степени.
Во следните денови ќе се задржи сончево и топло време со мала до умерена облачност. Во попладневните часови ќе има ретка појава на пороен дожд и грмежи, а во сабота услови за нестабилност ќе има на повеќе места. Позначителна промена на времето се очекува од несела кон крајот на денот и во понеделник кога во поголем дел од земјава ќе има поројни врнежи со грмежи и засилен ветер.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
