Конференција за предизвиците со неплатена работа и родова нееднаквост

„Неплатена работа, родова нееднаквост и ветувањето на економијата за грижа и нега“ е темата на конференцијата што ќе се одржи денеска во Скопје, во организација на Програмата за развој на ОН (УНДП), Телото на Обединетите нации за родова еднаквост и зајакнување на жените (UN Women) и Меѓународната организација за труд (МОТ).

Целта на конференцијата е размена на искуства и практики помеѓу меѓународни и национални експерти, како и поттикнување дебата во земјите на Западен Балкан за постоечките развојни предизвици, информираат организаторите.

На конференцијата е најавено обраќање на постојаниот координатор на ОН Луиза Винтон и претставници на Владата.