Нова цена на горивата во Македонија

Вистинска новогодишна „честитка“ ќе ни испорача Регулаторната комисија во понделник. Цената на нафтата на светските берзи, гарантира дека од идниот вторник ќе возиме значително поскапо гориво. 
За помалку од две недели, нафтата на берзата во Лондон е поскапа за повеќе од 5 долари во однос на цената врз основа на која регулаторот ја формираше малопродажната цена на 12 декември. 
По Договорот на членките на ОПЕК да се намали производството за очекување е натамошно зголемување на цените на нафтените деривати. Дополнителен поттик на цената и даде и информацијата за намалувањето на резервите на САД, што гарантира дека цената ќе продолжи да се движи во нагорен правец.
За македонски услови, ваквиот развој на настаните на светските пазари гарантира дека ќе возиме поскапо гориво. 
Во понеделникот на 12 декември, Регулаторната комисија за енергетика ги поскапи бензините за 2,5 денари, а дизелот за 3 денари. За очекување е уште едно слично поскапување да има и денеска.
Во моментов литар ЕУРОСУПЕР БС 95 се продава за 64,5 денари, а 98 октанскиот за 66,5 денари.
ЕУРОДИЗЕЛ-от чини 51,5 денари за литар.