Гвардиола: Без Робен и Рибери се мачиме
Тренерот на Баерн, Пеп Гвардиола денеска изјави дека неговиот тим во отсуство на најдобрите играчи, Франк Рибери и Арјен Робен не ги прикажува очекуваните игри.
Рибери има повреден скочен зглоб, додека Робен веќе еден месец е надвор од терените поради проблеми со стомачен мускул.
- Имаме многу проблеми. Другите играчи не може да играат еден на еден. Сосема сме поинаков тим без Робен и Рибери, но ние треба да се
прилагодиме на актуелната ситуација, рече Гвардиола.
Баерн претходните три натпревари постигна само еден гол, а место во полуфиналето од националниот куп против Леверкузен избори по изведување на пенали.
Покрај Рибери и Робен, Гвардиола не може да смета на Бастијан Швајнштајгер, Давид Алаба и Хавиј Мартинез.
И покрај тоа баварскиот тим е на прво место на табелата во Бундеслигата со 10 поени предност пред второпласираниот Волфсбург.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа