Мурињо во Арсенал гледа конкурент за титулата
Менаџерот на Челзи Жозе Мурињо смета дека градскиот ривал Арсенал сериозно се вгклучува во трката за шампионскиот трофеј.
По одигрување на своите натпревари 29.коло, шампионот Манчестер Сити заостанува шест бодови зад Челзи, а Арсенал седум со напомена дека „сините“ имаат натпревар помалку па можат уште повеќе да ја зголемат разликата.
- Секако дека Арсенал влегува во трка за титулата. Тие во последно време ја подигнаа формата, играат се подобро и направија пробив на табелата. Нашата ситуација во моментот ни дава предност, но до крајот има уште многу натпревари и ништо не е готово, изјави Мурињо.
Арсенал се наоѓа во серија од пет победи во Премиер лигата, а Челзи има два нерешени резултата на последните три средби.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
