Миркуловски: Не очекувавме толку голема победа
Убедливиот триумф над Тунис со 8 голови разлика (33:25) е неочекувано голем за централниот бек на репрезентацијата на Македонија, Филип Миркуловски.
- Не очекувавме да победиме со толку голема разлика, напротив, очекувавме потежок натпревар. Сепак, бевме многу подготвени. Долго време се подготвувавме за овој натпревар, изјави Миркуловски кој постигна 6 голови за нашата селекција во победата над Тунис со 33:25 на стартот на Мундијалот во Катар.
Фокусираноста во текот на целиот меч според Миркуловски е еден од клучните моменти за успешниот старт на Мундијалот.
-Бевме 100 % сконцентрирани. Мислам дека тоа е најпотребно за вакви натпревари, да знаеш кога, што и како да одиграш, тогаш резултатот ќе дојде сам по себе, дополни Миркуловски, по мечот со Тунис.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа