Го пуштиле за викенд - тој со нож нападнал скопјанец
Четириесет и тригодишен осуденик од затворот Идризово кој користел слободен викенд бил приведен вчера попладне бидејќи со остар предмет нападнат 34-годишен скопјанец.
-На 23.03.2024 во 15.40 часот на подрачје на Гази Баба во Скопје, полициски службеници од Единицата за интервентна полиција при СВР Скопје го лишиле до слобода И.Н.(43) од Скопје, осуденик во Казнено – поправната установа Затвор Идризово, а користел викенд отсуство. Тој се сомничи дека околу 15.00 часот физички го нападнал Б.З.(34) од Скопје и се обидел да го нападне со остар предмет, соопшти Министерството за внатрешни работи.
Кај него бил пронајден остриот предмет. По целосно документирање на случајот против него ќе биде поднесена соодветна пријава, информираше МВР.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
