Силна зимска бура денеска буквално го парализираше североисточниот дел на САД. Локалните власти издадоа итни предупредувања за екстремни услови, обилни снежни врнежи и опасни ветрови, што доведе до масовно затворање на училиштата и целосен прекин на јавниот превоз.
Градоначалникот на Њујорк веќе прогласи вонредна состојба, а најголемиот училиштен округ во земјата ги прекина сите наставни активности. Состојбата е алармантна и на аеродромите – според податоците на „FlightAware“, откажани се повеќе од 5.000 летови, а хаосот се очекува да продолжи и во текот на утрешниот ден.
Гувернерката на Њујорк, Кети Хочул, презеде радикални мерки за справување со невремето:
„Активирав 100 припадници на Националната гарда да помогнат на Лонг Ајленд, во Њујорк и Долната долина Хадсон, кои се подрачја за кои се очекува дека ќе го поднесат најголемиот товар.“