Денеска времето ќе биде сончево и многу топло, со мала до умерена облачност. Ќе дува слаб до умерен ветер од западен и северозападен правец. Во попладневните часови се очекува локална нестабилност проследена со пороен дожд, грмежи, засилен ветер, а на поедини места се можни услови за невреме со појава на град.
Минималната температура ќе се движи од 14 до 22 степени, додека максималната ќе достигне од 34 до 40 степени.
Во Скопје ќе преовладува сончево и многу топло време со мала до умерена облачност. Попладне во делови од котлината ќе има локална нестабилност со пороен дожд, грмежи и засилен ветер. Минималната температура ќе изнесува околу 20, а максималната ќе достигне до 39 степени.
Во вторник ќе продолжи сончево и многу топло време со мала до умерена облачност. Во попладневните и вечерните часови повторно се очекува локална нестабилност со пороен дожд, грмежи, засилен ветер и на места услови за невреме со појава на град.
Промена на временските услови се очекува од среда, кога поради продор на посвеж воздух од север и засилен северен ветер ќе започне постепен пад на температурите. Во петок се очекуваат врнежи од дожд и значително пониски дневни температури, додека од сабота повторно следува постепен пораст на температурите.