До 07:30 часот утринава на територијата на државата биле евидентирани вкупно 22 пожари на отворен простор, а сите се изгаснати, соопшти Центарот за управување со кризи (ЦУК).
Според ЦУК, во моментов нема активни пожари, ниту пожари кои се ставени под контрола.
Изгаснатите пожари биле регистрирани во повеќе општини низ државата, меѓу кои Чучер Сандево, Карпош, Гази Баба, Ѓорче Петров, Битола, Прилеп, Струга, Крива Паланка, Тетово, Желино, Кавадарци, Куманово, Центар, Арачиново и Гостивар.
Најголем дел од интервенциите биле поради запалена ниска вегетација, сува трева и грмушки, а во неколку случаи гореле депонии, дрво и делови од деградирана нискостеблеста шума.