Андреј Жерновски, член на Извршниот одбор на СДСМ, на денешната прес-конференција изјави дека меѓународната јавност и германските медиуми веќе го перципираат премиерот Христијан Мицкоски како „Орбан Џуниор“. Според Жерновски, падот на режимот на Виктор Орбан во Унгарија директно ги разнишува позициите на ВМРО-ДПМНЕ.
„Германија го нарече Мицкоски авторитарен политичар и го стави во друштво на Вучиќ и Додик, нарекувајќи ги ’авторитарно братство‘. Ова веќе не е само наратив на опозицијата во Македонија, туку меѓународна дијагноза за корумпиран систем на контрола врз медиумите и бизнисите“, истакна Жерновски.
Тој додаде дека победата на демократијата во Унгарија е сигнал за ослободување на целиот регион од антиевропските влијанија.