Шеесет и тригодишна жена од грчкиот остров Закинтос е уапсена и соочена со висока парична казна од 30.000 евра поради убиство на мачка, информираше денеска локалната полиција.
Случајот во полиција го пријавил сопственикот на животното. Според информациите кои ги пренесе грчкиот портал „Катимерини“, приведената жена е жителка на местото Ромири.
Од Здружението за благосостојба на животните на Закинтос (ЗОМЗ) појаснија детали околу настанот, посочувајќи дека станува збор за возрасна мачка која жената ја задавила со употреба на јаже, додека мотивите за овој чин сè уште остануваат непознати.
„Телото на убиената мачка се наоѓа во ладилникот на сопственикот и таму ќе остане до утре поради денешниот празник Свети Дионисиј, што е неработен ден за тамошните жители“, информираа надлежните органи.