Земјотрес со јачина од 3,6 степени според Рихтеровата скала рано утринава ја потресе Романија. Според податоците на Геофизичкиот институт при Бугарската академија на науките, потресот е регистриран околу 05:30 часот.
Епицентарот на земјотресот бил лоциран во округот Ковасна, во централниот дел на земјата. Станува збор за длабок потрес со хипоцентар на околу 140 километри под површината на земјата, што е карактеристично за овој сеизмички активен регион. Засега нема информации за предизвикана материјална штета или повредени граѓани.