Украинскиот претседател Володимир Зеленски оствари средба во Њујорк со извршната директорка на Меѓународниот монетарен фонд (ММФ), Кристалина Георгиева, на маргините на 81-та сесија на Генералното собрание на Обединетите нации.
По состанокот, Зеленски преку социјалните мрежи информираше дека ММФ ќе ѝ помогне на Украина да обезбеди дел од неопходните средства за одржување на финансиската стабилност на земјата во текот на наредната година.
„Се сретнав со извршната директорка на Меѓународниот монетарен фонд, Кристалина Георгиева. ММФ ќе помогне во обезбедувањето дел од потребните средства за финансиската стабилност на Украина во следната година. Ви благодарам за оваа одлука. Во крајна линија, секој чекор за економска поддршка значи и заштита на нашиот народ“, истакна Зеленски.
Усвојување законски измени кон меѓународните партнери
За време на разговорите, двајцата соговорници се осврнале и на важноста од целосно исполнување на преземените обврски на земјата кон меѓународните партнери, во однос на потребните реформи и законски решенија.
Претседателот увери дека Врховната рада веќе усвои дел од клучните одлуки, додавајќи дека останатите закони неопходни за непречено продолжување на финансиската поддршка ќе бидат донесени до крајот на оваа година.