Две популарни плажи во Изола на словенечкиот брег се затворени поради фекална контаминација откако рутинските тестови на водата открија екстремно високи нивоа на бактеријата Escherichia coli.
Како што соопшти Бонија Миљавац, експерт во Националниот институт за јавно здравје, бактеријата е директен индикатор за фекално загадување.
„Прелиминарните резултати од тестовите покажаа дека нивото на бактерии е девет пати повисоко од дозволените гранични вредности“, рече Миљавац.
Таа истакна дека плажите „Светионик“ и „Делфин“ се затворени за посетители и дека јавноздравствените власти советуваат да не се плива во тие области.
Во меѓувреме, општина Изола веќе започна со предупредување на пливачите за постојниот ризик, пренесе СТА.