Започнаа парламентарните избори во Русија

Владимир Путин, од својот дом, во кој е изолиран, денеска ги повика граѓаните, неколку часа пред почетокот на парламентарните избори, да покажат љубов кон татковината.

„Јас сметам на вашето граѓанско чувство за одговорност, претпазливост и љубов кон татковината и дека се грижите за изборот на претставници кои ќе работат за доброто на нашата сакана Русија“, истакна рускиот претседател во видео пораката објавена на веб -страницата на Кремљ. 

Инаку, Путин веќе неколку дена е во самоизолација, поради десетици ковид-позитивни лица, со кои бил во контакт подолго време.

Неговиот портпарол соопшти дека на изборите, претседателот ќе гласа по електронски пат, од својот дом.