Силно снежно невреме утрово започна на територијата на Балканот, а според најавите на метеоролозите, истото допрва ќе се проширува во регионот. Првите видео записи од невремето пристигнаа од Хрватска, поточно од превоите во Горски Котар, каде снежните врнежи веќе го отежнуваат сообраќајот.
Метео прогнозерот Славчо Попоски предупредува дека бранот на снежни врнежи е во полн замав.
„Започна силната снежна бура на Балканот и таа допрва ќе се проширува, видео камерите доаѓаат од Горски Котар во Хрватска“, објави Попоски.
На снимките од сообраќајните камери во соседството се гледа интензивен снег и намалена видливост.