Утрово во 07:00 часот, транспортерите во Босна и Херцеговина ги исполнија своите закани и започнаа со блокада на товарниот сообраќај на повеќе гранични премини. Најкритична е состојбата на преминот Свилај, каде веќе е формирана колона од камиони долга околу 1,5 километри. Иако патничките возила засега поминуваат, движењето на стоки е во целосен прекин.
Превозниците се децидни – нема да се повлечат додека не се реши проблемот со ограничувањето на нивниот престој во Шенген зоната, што директно го загрозува нивниот опстанок.
„Принудени сме на овој чекор. Не можеме да работиме со правила кои не третираат како туристи во Шенген зоната, иако сме во транзит со сите потребни лиценци“, порачуваат од Конзорциумот „Логистика“.