Поранешниот претседател на Претседателството на СФРЈ, Раиф Диздаревиќ, почина денеска во Сараево на 99-годишна возраст.
Диздаревиќ беше еден од позначајните политички и дипломатски функционери на поранешна Југославија. Во периодот од 1988 до 1989 година беше претседател на Претседателството на СФРЈ, а претходно ја извршуваше и функцијата сојузен секретар за надворешни работи.
Во текот на својата политичка кариера бил и претседател на Претседателството на Социјалистичка Република Босна и Херцеговина, а долги години работел и во дипломатската служба.
Диздаревиќ беше роден во Фојница во 1926 година. По распадот на Југославија се повлече од активниот политички живот, но и во подоцнежните години често даваше интервјуа и сведоштва за периодот на поранешната држава и случувањата што доведоа до нејзиниот распад.
Веста за неговата смрт беше објавена денеска од босанските и регионалните медиуми.