Тешка сообраќајна несреќа со фатални последици се случи изминатиот викенд на автопатот во близина на Загреб, во која загина 18-годишна девојка.
Станува збор за млада припадничка на Доброволната противпожарна служба од местото Крашиќ.
Несреќата се случила на патот меѓу местата Јастребарско и Доњи Зденчин по серија грешки во возењето.
Управувајќи со патнички автомобил „БМВ“, девојката не одржувала безбедно растојание од возилото кое се наоѓало пред неа.
За да спречи директен судир во задниот дел на предното возило, таа маневрирала и удрила во автомобил со унгарски таблички.
Од ударот, „БМВ“-то со голема брзина излетало од патот, пробивајќи ја заштитната ограда по што завршило во дрвјата.
Медицинските екипи кои пристигнале на местото на настанот можеле само да констатираат смрт кај младата девојка.
Полициската истрага дополнително откри дека зад воланот на автомобилот таа седнала без да има положено возачки испит.
Нејзините колеги пожарникари, скршени од болка, се простија од неа со зборови кои расплакаа многумина:
„Со неизмерна тага и болка се збогуваме од нашата млада колешка. Иако нејзиниот животен и противпожарен пат беше прерано прекинат, нејзината благородност, несебичност и подготвеност да им помогне на другите засекогаш ќе останат инспирација за сите нас. Почивај во мир, драга наша. Пожарникарите не умираат, тие само заминуваат на вечна стража“.
