УХМР ги измери температурите ова утро низ Македонија. Според податоците, најниска температура има на Попова Шапка, каде се измерени 7 степени утринава.
Највисока температура утринава низ Македонија, е измерена во Гевгелија, 22 степени.
До 8 часот во Скопје се измерени 15 степени.
Според прогнозата на УХМР времето денес ќе биде променливо облачно и посвежо, со повремени врнежи од дожд, кои локално ќе бидат проследени со грмежи.
На одделни места се очекува нестабилност со пороен дожд, грмежи, засилен ветер и услови за ретка појава на град.
Ќе дува засилен северен ветер, а долж Повардарието повремено и силен, со брзина поголема од 60 километри на час. Минималната температура ќе се движи од 10 до 17 степени, додека максималната значително ќе опадне и ќе биде во интервал од 20 до 27 степени Целзиусови.
Во Скопје времето ќе биде променливо облачно и посвежо, со повремени врнежи од дожд во претпладневните часови. Ќе дува засилен северен ветер, кој во одделни делови од котлината повремено ќе достигнува и поголема јачина. Минималната температура ќе изнесува околу 15 степени, а максималната ќе достигне до 24 степени Целзиусови.
Според прогнозите на Управата за хидрометеоролошки работи (УХМР), во наредните денови времето ќе биде стабилно. За време на викендот ќе преовладува посвежо време, особено во утринските часови, а од понеделник се очекува постепен пораст на температурите.