Претседателот на Србија, Александар Вучиќ имаше свој коментар за изјавата на известувачот на Европскиот парламент за Србија – Тонино Пицула, дека режимот на Вучиќ е „главен извор на нестабилност во Србија и регионот“. Вучиќ рече дека му е доволно да види „слика од Пицула со калашников во рацете“ за да ги разбере неговите пораки.
„Не ја разбрав неговата порака. Тој зборува често, и тоа е кратко и глупаво. Тие мислат дека треба да им се ласкаме ако не го променат својот јазик за Србија. Знаете колку ми е грижа за тоа“, им рече Вучиќ на новинарите од Србија кои го следеа во Франција, каде што учествува на Меѓународната конференција за глобална политика.
Тој го окарактеризира Пицула како „локален кретен испратен од Хрватска“ и рече дека „функционери како Пицула измислуваат работи“ за неговиот престој за време на војната во Босна и Херцеговина.